| Congregatio De Causis Sanctorum Prot. n. 2667 - 1/05 CAESENATEM.-SARSINATEM. |
|
| Re.mus P. Florius Tessari, Postulator Generalis Ordinis
Fratrum Minorum Capuccinorum, nomine Exc.mi ac Rev.mi Domini D. Antonii
Lanfranchi, Episcopi Caesenatensis-Sarsinatensis, ab hac Congregatione de
Causis Sanctorum petit ut Inquisitio Diocesana super vita et virtutibus
necnon fama sanctitatis Servi Dei Gulielmi Gattiani, Sacerdotis professi
eiusdem Ordinis, apud Curiam ecclesiasticam Caesenatensem-Sarsinatensem
peragi possit, licet praefatus Servus Dei supremum diem intra fines
Diocesis Faventinae-Mutilensis obiisset. Haec Congregatio, attentis peculiaribus in supplici libello expositis adiunctis necnon assensu Exc.mi ac Rev.mi Domini D. Claudii Stagni, Episcopi Faventini-Mutilensis, benigne annuit pro gratia iuxta preces: servatis de cetero omnibus aliis de iure servandis. Contrariis non obstantibus quibuslibet. Datum Romae, ex aedibus eiusdem Congregationis, die 28 mensis Maii A.D. 2005 |
|
|
Iosephus Card. Saraiva Martins Eduardus Nowak |